Տան մաքրուհին թալանել է Գոհար Հարությունյանի բնակարանը

Ապրիլի 20-ին, գողության դեպք է տեղի ունեցել Երևանում։ Ժամը 14։30-ի սահմաններում ոստիկանության Մաշտոցի բաժին է դիմել Վահագնի թաղամասի բնակիչ՝ 41-ամյա Գոհար Հարությունյանը և հայտնել, որ իր տնից իրեր են գողացել, այս մասին հայտնում է Shamshyan.com-ը։ Նշված հասցե են ժամանել ոստիկանության քրեական հետախուզության բաժանմունքի ծառայողները, ովքեր պարզել են, որ բնակարանից գողացել են Գ. Հարությունյանի ամուսնուն պատկանող մոտ 300 հազար դրամ արժողության թանկարժեք գոտին։ Մաշտոցի ոստիկանները պարզել են, որ գողությունը կատարել է նշված տան մաքրուհի՝ 47-ամյա Իրինա Դոլգովան։ Ոստիկանները կարճ ժամանակում հայտնաբերել են մաքրուհուն, ինչպես նաև գողոնը։ Աղբյուրիի տեղեկություններով՝ Գ. Հարությունյանը ոստիկաններին հայտնել է, որ ինքը «Միսս Արմենիա» հիմնադրամի հիմնադիր տնօրենն է։