Վարդենիսում 51 քաղաքացի ինքնամեկուսացվել է. քաղաքում ավելի խիստ հսկողություն է. վարչապետի մամուլի խոսնակ
Վարդենիսի պոլիկլինիկայում աշխատող կորոնավիրուսով վարակված բժշկուհու անմիջական շփման մեջ եղած 51 քաղաքացիներ ինքնամեկուսացված են։ tert.am-ից տեղեկանում ենք, որ այս մասին ասել է վարչապետի մամուլի խոսնակ Մանե Գևորգյանը։
«Կինը, որի մոտ հայտնաբերվել է կորոնավիրուս, բժշկուհի է, և իր հետ շփման շրջանակը պարզված է արդեն, բոլոր նրանք, ովքեր նրա հետ անմիջական շփման մեջ են եղել՝ 51 հոգի, այս պահին իրենց տներում ինքնամեկուսացված են։ Բժշկուհու ընտանիքի 4 անդամներն այս պահին Երևանում են, թեստավորում են»,- ասել է Գեւորգյանը։
Նրա խոսքով՝ Վարդենիս ելումուտը չի դադարեցվել, պարզապես ավելի խիստ հսկողություն է իրականացվում։
