Մարալիկի առողջության կենտրոնում վարակման նոր դեպքեր են գրանցվել. Շիրակի մարզպետ

Կատարված նմուշառումների արդյունքում Շիրակի Անի խոշորացված համայնքում հաստատվել
է կորնավիրուսի վարակաման 8 նոր դեպք. վարակակիրների ընդհանուր թիվը համայնքում այս պահին 18 է: Նրանք Մարալիկի հիվանդանոցի աշխատակիցներ են: SHANTNEWS-ին Շիրակի մարզպետ Տիգրան Պետրոսյանը ասել է, որ Մարալիկի առողջության կենտրոնի 18 բուժաշխատող Գյումրիի ինֆեկցիոն հիվանդանոցում է, մյուսներին պարտադիր մեկուսացման պահանջ է ներկայացվել: Առողջության կենտրոնում, որտեղ գործում էր առաջնային բուժօգնության օղակը, ծննդաբերական բաժանմունքը և շտապօգնությունը, բուժծառայությունների մատուցումը ժամանակավորապես դադարեցնելու որոշում է կայացվել: Մարալիկում ուժեղացված հսկողություն են իրականացնում ոստիկանական կարգախմբերը: Ընդհանուր առմամբ, Շիրակի մարզում կորոնավիրուսով վարակվածության 37 դեպք է գրանցվել հիվանդության տարածման օրվանից: Նմուշառումներ կատարելու իրավունք են ստացել Գյումրիի բոլոր բուժհաստատությունները: