Իրանում 1000-ից ավելի նոր վարակակիր է հայտնաբերվել

Մեկ օրվա ընթացքում Իրանում կորոնավիրուսով վարակվածների թիվը ավելացել է 1374-ով, ինչից հետո վարակվածների ընդհանուր թիվը հատել է 80 հազարի սահմանը։ Այս մասին տվյալները ներկայացրել են Իրանի իշխանությունները։ 

Մահվան դեպքերի գումարային թիվը հասել է 5031-ի՝ մեկ օրվա ընթացքում ավելանալով ևս 73-ով։ 

Ապաքինվածները, սակայն, Իրանում կազմում են վարակվածների ընդհանուր թվի մեծ մասը։ Այնտեղ արդեն գրեթե 56 հազար մարդ է ապաքինվել վարակվելուց հետո։ Ապաքինման 1923 դեպքի մասին հայտնի է դարձել վերջին մեկ օրվա ընթացքում։