ՀՀ-ից սկսել են դրամական միջոցներ ուղարկել ՌԴ՝ հարազատներին
Ռուսաստանում կորոնավիրուսի համաճարակով պայմանավորված դրամական փոխանցումները կրճատվել են, իսկ ԱՊՀ երկրներից, այդ թվում՝ Հայաստանից, դեպի ՌԴ փոխանցումներն աճել են, գրում է PanARMENIAN.Net -ը։ 2020-ի մարտին հունվարի համեմատ ՌԴ-ից արտերկիր դրամական փոխանցումները նվազել են 11 տոկոսով, քանի որ միգրանտներից շատերը կորցրել են աշխատանքը Ռուսաստանում։ Արտերկրից դեպի ՌԴ դրամական փոխանցումների աճը պայմանավորված է ՌԴ-ում գտնվող հարազատներին ֆինանսապես օգնելու անհրաժեշտությամբ՝ այդ թվում, ուսանող երեխաներին կամ ՌԴ-ում գտնվող թոշակառու ծնողներին։ Դեպի ՌԴ դրամական փոխանցումների աճը, ընդհանուր առմամբ, մարտին կազմել է 47 տոկոս։ Ղազախստանի և Տաջիկստանի հետ միասին, Հայաստանը հայտնվել է այն երկրների ցանկում, որտեղից ֆիզիկական անձինք առավել շատ դրամական միջոցներ են փոխանցել ՌԴ։ Միաժամանակ, ՀՀ-ն շարունակում է մնալ այն երկրների թվում, ուր մարտին ՌԴ-ից առավել շատ փոխանցումներ են կատարվել։
