«Դոմոդեդովո»-ում գիշերող 40-50 անձ Ֆեյսբուքում արված գրառումների պատճառով հրաժարվում են սննդից

ՌԴ-ում ՀՀ քաղաքացիները շարունակում են գիշերել Դոմոդեդովո օդանավակայանում՝ սպասելով թռիչքի դեպի ՀՀ: Tert.am-ի հետ զրույցում «Ռուսաստանի հայերի միավորում» կազմակերպության համանախագահ Դավիթ Տոնոյանն ասաց, որ ամսի 16-ին է եղել օդանավակայանում, այնտեղ մոտ 40-50 անձ է գիշերում: 
Անդրադառնալով շրջանառվող խոսակցություններին, թե մարդիկ հրաժարվել են տրամադրվող սննդից, արդյոք դա համապատասխանում է իրականությանը՝ նա նշեց, որ երեկ են հրաժարվել դեսպանատան ուղարկած սննդից, այնուհետև համոզել են, որ ընդունեն, այսօր դեսպանատանն ասել են, որ սնունդ չուղարկեն: Նրա խոսքով՝ պատճառն իրենց մասին արվող վատ մեկնաբանություններն են: 
Տոնոյանը նշեց, որ դեսպանատունն առաջին օրվանից էլ ամեն օր մարդ է ուղարկում, նրանց հետ շփվում են, բայց ընդհանուր հայտարարի չեն գալիս, այդ մարդիկ որոշել են մնալ օդանավակայանում: «Այնպես չէ, որ իրենք առանց փող են այնտեղ նստած, իրենց հարցերը լավ էլ լուծում են»,- ասաց նա: Տոնոյանը հավելեց, որ դեռ չի հաջողվել թռիչք կազմակերպել: 
 

Մանրամասները կարդացեք սկզբնաղբյուր կայքէջում: