Միացյալ Նահանգներում ապրիլի 15-ից 16-ը կորոնավիրուսի հետևանքով մահացել է 3857 մարդ, գրանցվել է հիվանդության 31 905 նոր դեպք, վկայում են Ջոնս Հոփկինսի համալսարանի տվյալները:  Ընդհանուր առմամբ, ԱՄՆ-ում գրանցվել է COVID-19 վարակի ավելի քան 701 հազար դեպք և 36 997 մահ:  ԱՄՆ-ում կորոնավիրուսի զոհերի թիվը իշխանությունների գնահատմամբ, կարող է կազմել 60-ից 65 հազար: Այս մասին հայտնել է РИА Новости-ն՝ հղում տալով ԱՄՆ նախագահ Դոնալդ Թրամփին: 
«Մտածում եմ, մենք շարժվում ենք դեպի 60-ից 65 հազարի»,- ասել է նա լրագրողների հետ զրույցում: 

Ավելի վաղ ԱՄՆ նախագահն այլ ցուցանիշներ էր հայտնել. 100 հազարից ավելի քան 200 հազար մարդ:  Ներկա պահին ԱՄՆ-ում կորոնավիրուսով պայմանավորված բարդացումների հետևանքով մահացել է մոտ 36.7 հազար մարդ, հաստատվել է վարակման 692 դեպք: