Թայրովի բուժամբուլատորիան փակ է․ աշխատակիցները ինքնամեկուսացել են
Արմավիրի մարզի Թայրով համայնքի բուժամբուլատորիան, որի տնօրենի մոտ կորոնավիրուս են հայտնաբերել, ասօրվանից փակ է։ Այս մասին NEWS.am-ի հետ զրույցում հայտնել է համայնքապետ Դավիթ Մինասյանը։
Մոտ մեկ տասնյակ աշխատակիցներին հրահանգվել է ինքնամեկուսանալ տներում, համայնքապետի փոխանցմամբ՝ նրանց կթեստավորեն մի քանի օրից։
Նշենք, որ կորոնավիրուսով վարակված՝ ամբուլատորիայի տնօրենը Նորքի ինֆեկցիոն հիվանդանոցում է։ Թայրով գյուղում կորոնավիրուսից մահվան դեպք է գրանցվել ապրիլի 13-ին։
