Ազգային ժողովի ԲՀԿ խմբակցության պատգամավոր Գևորգ Պետրոսյանը պնդում է, որ բռնության քարոզն ու բռնության կոչերը քրեականացնող օրինագիծը որոշակիության պակաս ունի։ ԱԺ-ում նա այսօր հայտարարեց, որ պետք է բացատրել՝ որն է հրապարակային կոչը։

«Եթե ես տանը մի սենյակում ինքնամեկուսացվեմ, սկսեմ սրան-նրան հայհոյել, սա բռնության կոչ չէ։ Բայց հրապարակայինը ո՞րն է, երկու հոգո՞ւ ներկայությամբ, չո՞րս հոգու», – ասաց Պետրոսյանը։

Մյուս կողմից Պետրոսյանը կասկածի տակ դրեց արդարադատության փոխնախարար Սրբուհի Գալյանի այն պնդումը, որ բռնության կոչն ու դրա արդարացումը նույնպիսի արարքներ են։

«Եթե մեկը գրել է՝ ասենք այ էսինչին պետք է ապտակել կամ պատժել, ես էլ լայքում եմ «Ֆեյսբուքում», դա բավարար է, որ ինձ տանեն, քրեական պատասխանատվության ենթարկե՞ն»,- ասաց Պետրոսյանը։