Արցախի ՊԲ-ում վարակվածության որևէ դեպք չկա. Օհանյան

Ամենօրյա զեկույցներից կարող եմ տեղեկացնել, որ Պաշտպանության բանակում իրավիճակը վերահսկելի է, հանգիստ է, այնտեղ մենք խնդիր չունենք: Արցախի ՊԲ-ում վարակվածության որևէ դեպք չկա: Այս մասին այսօր ասուլիսին ասաց ԶՈՒ ռազմաբժշկական վարչության պետ Սահակ Օհանյանը:

Նա հաղորդեց նաեւ, որ զինված ուժերի այն զորամասում, ուր առաջինն էր հայտնաբերվել կորոնավիրուս, հիմա որեւէ մեկուսացված չկա. այն բոլոր զինծառայողները, ում մոտ հայտնաբերվել էր կորոնավիրուս, կրկնակի թեստավորումից հետո դուրս են գրվել: Հավանական կոնտակտավորները, որ անցել էին զորանոցային ռեժիմի, թեստավորվել են, բոլորի թեստերը եղել են բացասական: Զորանոցն անցել է իր բնականոն գործունեությանը: