ԱՄՆ-ի պատմության մեջ առաջին անգամ՝ միաժամանակ բոլոր նահանգները հայտարարվել են աղետի գոտի
«Fox News»- ը գրում է, որ Միացյալ Նահանգների պատմության մեջ առաջին անգամ երկրի նախագահը աղետի գոտի է հայտարարել երկրի բոլոր նահանգները: Ավելի վաղ Ամերիկայի Միացյալ Նահանգների նախագահ Դոնալդ Թրամփը Վայոմինգի նահանգը եւս հայտարարել է աղետի գոտի, ինչը նշանակում է, որ ռեժիմն արդեն գործում է բոլոր 50 նահանգներում:
Ըստ Ջոն Հոփքինսի համալսարանի տվյալների, ԱՄՆ-մ կորոնավիրուսով վարակվածների թիվը գերազանցել է 530 000-ը, իսկ զոհերի թվուվ Միացյալ Նահանգները անցել են առաջին տեղը:
ԱՄՆ-ում կորոնավիրուսից մահացածների թիվը գերազանցել է 20 000-ը: Վերջին հինգ օրվա ընթացքում ԱՄՆ-ում մահվան դեպքերը 10 000-ից հասել է 20 000-ի: Վայոմինգի նահանգապետ Մարկ Գորդոնը Դոնալդ Թրամփին նամակով դիմել է ապրիլի 9-ին, երբ նահանգում վարակվածների թիվը գերազանցել էր 200-ը:
