Դմիտրի Պեսկովը խոսել է ՌԴ նախագահի առողջական վիճակից
Ռուսաստանի նախագահ Վլադիմիր Պուտինի առողջական վիճակի մասին է խոսել նրա խոսնակ Դմիտրի Պեսկովը, մանրամասները հաղորդելով ռուսական հեռուստատեսության եթերում հեռարձակված հաղորդման ժամանակ։ Հայտնում է RT կայքը։ Պեսկովի խոսքով՝ Պուտինի հիանալի առողջության մասին է խոսում նաև նրա աշխատանքային գրաֆիկը, որն այս օրերին ավելի ծանրաբեռնված է, քան նախկինում։ Նա բացատրել է, որ թեև բոլոր հանդիպումները անցկացվում են տեսակոնֆերանսի ռեժիմում, սակայն, միևնույն է, ՌԴ նախագահի աշխատանքային միջոցառումների քանակը ավելացել է։ «Նա ստիպված է ավելի շատ աշխատել», – ասել է Պեսկովը։ Հիշեցնենք, որ ավելի քան 20 տարի Ռուսաստանի ղեկավար պաշտոններում գտնվող Պուտինն արդեն 67 տարեկան է։
