Հայտնի է, թե ովքեր են թեստավորվելու. Դրանց թվում են թոքաբորբ ունեցողները, բուժաշխատողները․ նախարար

Առողջապահության նախարար Արսեն Թորոսյանն այսօր ասուլիսի ժամանակ նշեց, թե ինչ չափանիշներով են ընտրելու՝ ում թեստավորել, ում ոչ:

Անդրադառնալով հարցին, թե ինչ չափորոշիչներով են կատարվելու թեստավորումները, հաշվի առնելով, որ դրանց թիվը ըստ վարչապետի հայտարարության աճելու է, Արսեն Թորոսյանն արձագանքեց, որ նախկին չափանիշներին ավելացել են նորերը. Մասնավորապես, խոսքը թեստավորվելու են թոքաբորբ ունեցողները, բուժաշխատողները, որոնք աշխատում են որեւէ ԲԿ-ում եւ ունեն սուր շնչառական վարակին բնորոշ անհանգստացնող ախտանիշներ, հաստատված վարակով մորից ծնված նորածինները եւ մանկաբարձական բաժանմունք ընդունվող ջերմություն եւ գրիպի նշաններ ունեցող ծննդկանները կամ հղիները: