Այսօր՝ ապրիլի 8-ին, խոշոր ավտովթար է տեղի ունեցել Արագածոտնի մարզում: Ժամը 14:00-ի սահմաններում Երևան-Գյումրի ավտոճանապարհի 28-րդ կմ հատվածում, դեպի Երևան ընթանալիս, բախվել են Toyota Camry մակնիշի 10 TR 002 համարանիշի և ВАЗ 2105 մակնիշի 35 PD 720 համարանիշի ավտոմեքենաները: Այս մասին հայտնում է  Shamshyan.com կայքը:

Վթարի հետևանքով 2 հոգի քաղաքացիների օգնությամբ տեղափոխվել են «Աշտարակ» բժշկական կենտրոն: Ոստիկանությունը պարզում է վարորդների և վիրավորների ինքնությունը: Ըստ նախնական տեղեկությունների՝ վթարի մեղավորը եղել է Toyota Camry-ի վարորդը, ով բախվել է 05-ին, վերջինս էլ կորցրել է կառավարումն ու կողաշրջվել: Ավտոմեքենաները հետաքննիչի հանձնարարականով քարշակի միջոցով տեղափոխվում են ոստիկանության Աշտարակի բաժնի պահպանվող հատուկ տարածք: