Թրամփն ապաքինում է մաղթել հիվանդանոց տեղափոխված Բորիս Ջոնսոնին․ Reuters

ԱՄՆ նախագահ Դոնալդ Թրամփը շուտափույթ առողջացում է մաղթել Բրիտանիայի վարչապետ Բորիս Ջոնսոնին, ով հոսպիտալացվել էր իր բժշկի խորհրդով:

«Ես ուզում եմ մեր ազգի լավագույն բարեմաղթանքները հղել վարչապետ Բորիս Ջոնսոնին, ով իր անձնական պայքարն է մղում վիրուսի դեմ: Բոլոր ամերիկացիներն աղոթում են նրա համար: Նա իմ ընկերն է, հրաշալի ջենթլմեն և լավ առաջնորդ: Ինչպես գիտեք, նրան հիվանդանոց են տեղափոխել: Բայց ես հույս ունեմ և վստահ եմ, որ նա կապաքինվի: Նա ուժեղ մարդ է», – ասել է Թրամփը:

Հիշեցնենք, որավելի վաղ վարչապետի պաշտոնական ներկայացուցիչը հայտնել էր, որ Ջոնսոնը, ում առողջական խնդիրները՝ բարձր ջերմությունն ու հազը դեռևս պահպանվում են, բուժող բժշկի խորհրդով տեղափոխվել է հիվանդանոց, որտեղ պարզվել է, որ Ջոնսոնը վարակվել է COVID-19-ով։