Կրակոցներ Երևանում. 40 տարեկան տղամարդը ծայրահեղ ծանր ախտորոշմամբ տեղափոխվել է հիվանդանոց
Քիչ առաջ կրակոցներ են հնչել Երևանում: Ինչպես հայտնում է Shamshyan.com-ը , Շենգավիթ վարչական շրջանի Եղբայրության փողոցից հրազենային վնասվածքներով Երևանի 1-03 շտապօգնության բժիշկների հերթապահ խումբը «Աստղիկ» բժշկական կենտրոն է տեղափոխել մոտ 40 տարեկան տղամարդու, ով գտնվում է ծայրահեղ ծանր վիճակում:
Դեպքի վայրում ոստիկաններն ու քննիչները հայտնաբերել են պարկուճ և գնդակ:
Ըստ նախնական տեղեկությունների՝ տղամարդու վրա կրակել են ատրճանակից:
Ոստիկանությունն ու քննչական բաժինը պարզում են վիրավորի ինքնությունն ու դեպքի հանգամանքները:
