Հյուսիսային պողոտայի դեպքը կապված էր արտակարգ դրության հետ. Մհրյանը մեկնաբանում է
«Ոստիկանները ցանկացել են կանգնեցնել քաղաքացուն և ստուգել փաստաթղթերը, քաղաքացին, սակայն, փախչել է»։ Այս մասին ասուլիսի ժամանակ ասել է ՀՀ փոխոստիկանապետ Հայկ Մհրյանը՝ անդրադառնալով Հյուսիսային պողոտայում տեղի ունեցած դեպքին:
«Տեղի ունեցածը կապված է եղել արտակարգ դրության հետ: Ոստիկանը հետապնդել է կանգնեցրել է, ճշտել է, ոչ մի հարկադրանքի միջոց չի կիրառվել», - պարզաբանել է Մհրյանը։
Հիշեցնենք, որ օրեր առաջ համացանցում տեսանյութ էր տարածվել, որտեղ երևում է, թե ինչպես են երկու ոստիկաններ Հյուսիսային պողոտայում հետապնդում քաղաքացուն՝ վազելով նրա հետևից։
