Արգելվել է 575 տրանսպորտային միջոցի մուտքը Արցախ. Մհրյան

ՀՀ ոստիկանության պետի տեղակալ Հայկ Մհրյանն այսօր կառավարության մամուլի սրահում տեղի ունեցած ասուլիսի ժամանակ ներկայացրել է ոստիկանության ստորաբաժանումների կողմից հանրապետության տարբեր տարածքներում կատարված աշխատանքների ընթացքը:

«Ապրիլի 6-ի դրությամբ ՀՀ ոստիկանության կողմից կատարվել է Իրանից ՀՀ մուտք գործող բեռնափոխադրող տրանսպորտային միջոցների 515 ուղեկցումներ, որում ներգրավված են եղել ոստիկանության 447 կարգախմբեր: Այս ընթացքում սահմանափակվել է  վարորդների տեղաշարժը, բացի դրանից, ՃՈ ծառայողների կողմից կատարվել են 69 այլ տրանսպորտային միջոցների ուղեկցումներ: Նոր կորոնավիրուսի կանխարգելման նպատակով շարունակվում է Արցախ տանող ավտոճանապարհներին կայուն պահակակետերի միջոցով ծառայությունը»,- ներկայացրել է Մհրյանը:

Նա նշել է, որ ապրիլի 6-ի դրությամբ թույլատրվել է դեպի Արցախ 1908 տրասնպորտային միջոցի ուղևորությունը և արգելվել 575 տրանսպորտային միջոցների մուտքը: