Կորոնավիրուսի զոհերի հիշատակին այսօր Չինաստանում համազգային սգո օր է հայտարարվել
Կորոնավիրուսի զոհերի հիշատակին հարգանքի տուրք մատուցելու համար այսօր Չինաստանում համազգային սգո օր է հայտարարվել:
Հիշատակի արարողության ընթացքում Չինաստանում և տարբեր երկրներում իջեցվել են երկրի դիվանագիտական ներկայացուցիչների պետական դրոշները, իսկ ժամանցային բոլոր միջոցառումները հետաձգվել են:
Տեղական ժամանակով 10:00-ին ամբողջ Չինաստանը երեք րոպե լռությամբ կհարգի զոհերի հիշատակը: Ի նշան վշտի՝ կհնչեն նաև ավտոմեքենաների, նավերի, գնացքների ազդանշանները:
Հայտնենք, որ Չինաստանում կորոնավիրուսի հետևանքով 3322 մարդ է մահացել:
