ԱՄՆ-ում 1 օրում կորոնավիրուսից մահացել է ավելի քան 1374 մարդ
ԱՄՆ-ում վերջին 1 օրվա ընթացքում կորոնավիրուսից մահացել է առնվազն 1374 մարդ, որից 588-ը՝ Նյու Յորքում։ Այս մասին հայտնում է iz.ru-ն, հղում տալով Ջոն Հոփկինսի համալսարանի կայքին:
Նշենք, որ աշխարհում կորոնավիրուսային վարակի բռնկումից ի վեր սա հիվանդությունից 1 օրում գրացված մահացության ամենաբարձր ցուցանիշն է:
Ապրիլի 2-ի դրությամբ՝ երկրում վարակված է 216 515 մարդ, մահացել է 4757 պացիենտ։
Հիշեցնենք, որ ԱՄՆ փոխնախագահ Մայք Փենսը հայտարարել էր, որ ամերիկյան իշխանությունները չափազանց ուշ են միջոցառումներ ձեռնարկել կորոնավիրուսի դեմ պայքարում՝ Չինաստանի պատճառով, որը թաքցրել է հիվանդության մասշտաբները։
