Իտալիայում նոր կորոնավիրուսից մահացածների թիվը մեկ օրում կազմել է շուրջ 800 մարդ

Իտալիայում նոր տեսակի կորոնավիրուսով պայմանավորված հիվանդութունից մահացածների թիվը մեկ օրում կազմել է շուրջ 800 մարդ: Այս մասին հայտնել է Քաղպաշտպանության վարչության ղեկավար Անջելո Բորելին:

Վերջինիս խոսքով՝ սա նոր հակառեկորդ է երկրում կորոնավիրուսի համաճարակի բռնկումից ի վեր, մահացության դեպքերի ընդհանուր թիվը հասել է 4825 մարդու:

«Ցավոք, այսօր 793 մահ է գրանցվել մեզ մոտ: Սակայն ուզում եմ ընդգծել, որ մենք չենք տարանջատում «կորոնավիրուսով» մահացածներին և «կորոնավիրուսից» մահացածներին»,- ասել է Բորելին: Երկրի ողջ տարածքում վարակվածների թիվը ներկա պահին կազմում է 42 681 մարդ, որը 4871-ով ավելին է նախորդ օրվանից: Ապաքինվածների թիվը գերազանցել է 6000-ը», ասել է նա: Հիշեցնենք, որ համաճարակի բռնկումից ի վեր Իտալիայում վարակվածների թիվը 53,5 հազար է: Ամենաշատ դեպքերը գրացվել են Լոմբարդիայում: