Լեւոն Արոնյանի կնոջ վիրահատությունը լավ է անցել, պատրաստվում է նոր վիրահատության․ Armtimes
Հայկական շախմատի առաջատար Լևոն Արոնյանի կնոջ՝ Արիաննե Կաոլին, պատրաստվում է նոր վիրահատության: Այս մասին «Հայկական ժամանակ»-ի հետ զրույցում տեղեկացրել են «Աստղիկ» ԲԿ-ի մամուլի քարտուղարությունից: Պարզաբանեցին, որ Արիաննեն արդեն տարել է վերջույթների վիրահատություն, որը լավ է անցել ու պատրաստվում է նոր վիրահատության:
Նշեցին նաև, որ նա գտնվում է վերակենդանացման բաժանմունքում: Գիտակցությունը տեղն է: Վիճակը շարունակում է մնալ կայուն ծանր:
Հիշեցնենք, որ Արոնյանը կինը մարտի 15-ին` ժամը 00:02-ին, իր վարած «Lexus RX350» մակնիշի ավտոմեքենայով Սեբաստիա փողոցի վրա բախվել էր բետոնե հենասյանը: Նա ծանր վիճակում տեղափոխվել էր հիվանդանոց:
Կայքի տեղեկություններով՝ Լևոն Արոնյանը Իսպանիայից մի քանի չվերթով հնարավորինս արագ վերադարձել է Հայաստան և հիմա կնոջ կողքին է։
