ՀՀ-ում կորոնավիրուսով վարակված 115 անձանցից 13-ը 60-ից բարձր տարիքի են
ՆՈՐՔ ինֆեկցիոն կլինիկական հիվանդանոցը ֆեյսբուքյան իր էջում տեղեկություններ է տարածել Հայաստանում կորոնավիրուսով վարակված անձանց առողջական վիճակի մասին:
«115 դեպքերից 13-ը 60 տարեկանից բարձր մարդիկ են, ջերմություն չունեն, նրանց կյանքին վտանգ չի սպառնում:
Դեպքերի ծանրակշիռ մասը` 115-ից 99-ը կապված են Էջմիածնի նշանադրության և արտադրամասի հետ:
1 մարդ ամբողջությամբ ապաքինվել է, մյուսների վիճակը` բավարար, կյանքին սպառնացող վտանգ չկա»,- հայտնում են հիվանդանոցից:
