Տնային պայմաններում պատրաստված դիմակները կարող են վնասել կրողներին՝ նպաստելով վարակի տարածմանը
«Նորք» ինֆեկցիոն բժշկական հիվանդանոցից տեղեկացնում են, որ բժշկական դիմակները, ինչպես ցանկացած բժշկական օգտագործման պարագա, անհրաժեշտ է համապատասխանեն արտադրական համապատասխան չափորոշիչներին, հատկապես մանրէազերծման ապահովման հարցում:
Ուստի բժշկական հիվանդանոցի բուժանձնակազմը հորդորում և խորհուրդ է տալիս կիրառել միայն գործարանային արտադրության դիմակներ, որոնք համապատասխանում են առողջապահական չափորոշիչներին։ Իսկ կարի արտադրամասերում կարված, տնային պայմաններում պատրաստված ինքնաշեն դիմակները, կարող են վնասել կրողներին և ունենալ հակառակ արդյունքը՝ նպաստելով վարակի տարածմանը։
