Քարդաշյանը կոչ է անում բոլորին մնալ տանը

Աշխարհահռչակ հեռուստաաստղ Քիմ Քարդաշյանն իր սոցիալական ցանցի հետևորդներին կոչ է արել նոր կորոնավիրուսի տարածումից խուսափելու համար  մնալ տանը` չվտանգելով իրենց ու հարազատների անվտանգությունը: Քարդաշյանը գրառում է կատարել իր «Ֆեսբուք»-ի էջում և «Ինստագրամ»-ի «սթորի» բաժնում:

«Խնդրում եմ բոլորին, հատկապես նրանց, ովքեր երիտասարդ ու առողջ են, լո՛ւրջ ընդունեք տանը մնալու հրահանգը, եթե դուք մտահոգված եք ձեր մոր, հոր, պապիկ-տատիկների, քույրերի, եղբայրների, հասարակության առողջությամբ ու անվտանգությամբ: Եթե չեք հեռանում տնից` գնալու աշխատանքի, գնելու անհրաժեշտ սնունդ կամ իրեր, տեսնելու ձեր բժշին կամ օգնելու դրա կարիքն ունեցող որևէ մեկին, օրինակ ձեր տարեց հարևանին, խնդրում եմ՝ մի՛ անտեսեք ներսում մնալու նախազգուշացումների խստությունը` կանխելու վիրուսի տարածումը»,-նշել է հեռուստաաստղը: