Ի՞նչ կանոններ պետք է պահել Արտակարգ դրության շրջանում. ներկայացնում է փոխնախարարը

Հայաստանում արտակարգ դրություն հայտարարելու ռեժիմով պայմանավորված՝ սահմանափակվել են որոշակի իրավունքներ և ազատություններ: Այս մասին այսօր լրագրողների հետ խոսել է Արդարադատության փոխնախարար Վահե Դանիելյանը:

«Հայաստան թույլատրվում է ՀՀ բոլոր քաղաքացիների և նրանց ընտանիքի անդամների մուտքը, անկախ վերջիններիս՝ ՀՀ քաղաքացի լինելու հանգամանքից: Արգելվում է ՀՀ քաղաքացիների՝ ցամաքային ճանապարհով ելքը՝ բացառությամբ բեռնափոխադրումներով զբաղվող քաղաքացիների: Արգելվում է նաև հավաքների և գործադուլների իրականացումը: Արգելք կա նաև զորամասերում հանձնուքներ, ծանրոցներ, փաթեթներ ստանալը և ուղարկելը: Նույն սահմանափակումը գործում է նաև քրեակատարողական հիմնարկներում, այդ թվում նաև տեսակցությունները՝ բացառությամբ տեսազանգից օգտվելու դեպքերի»,- ասել է փոխնախարարը: