Առաքել Մովսիսյանի որդին կմնա անազատության մեջ

Պարտադիր ժամկետային զինծառայող, շարքային Վահրամ Ավագյանի մահվան դեպքի առթիվ քննվող քրեական գործով մեղադրյալ Դավիթ Մովսիսյանը կմնա անազատության մեջ. Վերաքննիչ քրեական դատարանը մերժել է Դավիթ Մովսիսյանի պաշտպանի բողոքը։ Այս մասին NEWS.am-ի հետ զրույցում ասել է Մովսիսյանի փաստաբան Գոռ Գեւորգյանը:

«Դատարանը ծայրահեղ ապօրինի կերպով մերժեց մեր բողոքը։ Իրավական ֆանտազիաս անգամ չի հերիքում մտածել թե դատարանը ինչ հիմքով կարող է մերժել այդ բողոքը»,- ասել է փաստաբանը։

Հիշեցնենք՝ ավելի վաղ հայտնել էինք, որ 2020թ. հունվարի 30-ին՝ ժամը 13:15-ի սահմաններում, ՊԲ բանակային ուսումնական կենտրոնում, N զորամասի պարտադիր ժամկետային զինծառայող, շարքային Վահրամ Մկրտիչի Ավագյան զոհվել է: Դեպքի առթիվ առաջին կայազորային քննչական բաժնում ՀՀ քրեական օրենսգրքի 110-րդ հոդվածի 1-ին մասով հարուցվել քրեական գործ, կատարվում է նախաքննություն:

Զինվորի մահվան դեպքի առթիվ հարուցված քրեական գործի շրջապակներում ձերբակալվել էին Մկրտչյանի համածառայակիցներ Դավիթ Առաքելի Մովսիսյանը, Խաչիկ Արմենի Գասպարյանը, Սպարտակ Արթուրի Ավետիսյանը: