ՏԵՍԱՆՅՈՒԹ. Նոր մանրամասներ Իտալիայից Երևան կատարած թռիչքի մասին

ՀՀ արտաքին գործերի նախարարության ֆեյսբուքյան էջում գրառում է կատարվել.

«Իտալիայում ՀՀ դեսպանության և «Atlantis European Airways» հայկական ավիաընկերության աջակցությամբ հատուկ չվերթ իրականացվեց՝ Երևան տեղափոխելով Իտալիայի տարբեր շրջաններում գտնվող և հայրենիք վերադառնալու ցանկություն հայտնած ՀՀ քաղաքացիներին։

1. Ինքնաթիռը վայրէջք է կատարել հատուկ առանձնացված սանիտարակարանտինային կանգառում։

2. Ժամանողներն անցել են ջերմաչափում, արտաքին զննում, լրացվել են հասցեական քարտեր։

3.Ձեռնարկվել են անվտանգության քայլեր՝ բացառելու օդանավակայանի անձնակազմի վարակվելու հավանականությունը։

4. ինքնաթիռի սրահում անցկացվել են ախտահանման միջոցառումներ

5. Բոլոր քաղաքացիներին մեկուսացրել են հատուկ պահպանվող տարածքում»։