Էջմիածնում 129 քաղաքացու մոտ ջերմություն է արձանագրվել. վարչապետը մանրամասներ է հայտնում

Որոշել եմ խրախուսական որեւէ պատվոգրով անպայման պետք է պարգեւատրել մեր առաջին ախտորոշված պացիենտին, որը ըստ էության, իր բարձր գիտակցությամբ, շատ լուրջ ծառայություն մատուցեց եւ օգնեց, որ վարակը շատ չտարածվի: Այս մասին ֆեյսբուքյան ուղիղ եթերով ասաց վարչապետ Նիկոլ Փաշինյան՝ կառավարությունում կայացած խորհրդակցությունից հետո:

Էջմիածնում ստեղծված իրավիճակին անդրադառնալով՝ Փաշինյանն ասաց, որ 129 քաղաքացու մոտ ջերմություն է արձանագրվել, նրանց խնդրել ենք վերադառնալ տուն և ինքնամեկուսանալ, շնորհակալություն հայտնեց նրանց համագործակցության համար, շեշտեց՝ փաստը, որ նրանք ջերմություն ունեն, դեռ ոչինչ չի նշանակում:

«Այս պահին ավելի քան 300 քաղաքացիներ մեկուսացված են, ևս 300 քաղաքացու մեկուսացնելու համար տեղի շուրջ քննարկումներ են, առայժմ մեկուսացման քաղաքականություն է իրականացվում»,- ասաց նա:

Այս պահին կորոնավիրուսի հաստատված 30 դեպքից 19-ը, ըստ վարչապետի, Էջմիածնի դեպքի հետ են փոխկապակցված, 10 հոգուց 3-ը «Գոլդեն Փելես»-ից են, այսինքն՝ առաջին պացիենտի կինն ու մեկուսացված 2 անձինք են, իսկ մնացած 7-ից 3-ն արտադրական ձեռնարկությունից են: