Էջմիածնի ռեստորաններում և հարսանյաց սրահներում կչեղարկվեն բոլոր միջոցառումները, ֆեյսբուքյան իր ուղիղ եթերում ասաց Էջմիածնի քաղաքապետ Դիանա Գասպարյանը։

«Պայմանավորվածություն ունենք բոլոր ռեստորանների և հարսանյաց սրահների հետ, որ չեղարկվելու են բոլոր առիթները՝ համաճարակի տարածումը հնարավրինս կանխելու համար», - ասաց Էջմիածնի քաղաքապետը։

Վերջինս ընդգծեց, որ սննդի կետերին հորդորել են աշխատել առաքման ծառայությամբ։ Գասպարյանը նշեց, որ որոշ սննդի կետեր փակվել են, իսկ որոնք դեռ շարունակում են աշխատել, հսկողություն կսահմանվի, որպեսզի այնտեղ մարդիկ չկուտակվեն։