Խոշոր վթար Երևանում․ կա 7 վիրավոր
Երևանում՝ Մալաթիա-Սեբաստիայի թաղապետարանի հարևանությամբ միմյանց են բախվել Mercedes-ը և Opel-ը, ինչի հետևանքով Opel-ը կողաշրջվել է, իսկ 7 հոգի մարմնական վնասվածքներով տեղափոխվել են «Աստղիկ» բժշկական կենտրոն։
Դեպքը տեղի է ունեցել մարտի 13-ին՝ ժամը 18։00-ի սահմաններում: Ինչպես հայտնում է shamshyan.com, Opel-ը վարել է Արմավիրի մարզի բնակիչ՝ 33-ամյա Տիգրան Ա-ն, իսկ Mercedes-ը վարել է Երևանի բնակիչ՝ 32-ամյա Ֆելիքս Ա-ն։ Վթարի հետևանքով հիվանդանոց են տեղափոխվել վարորդներից Տիգրան Ա-ն. նրա ուղևորներ՝ Երևանի բնակիչ, 36-ամյա Արուսյակ Մ-ն, Արմավիրի մարզի բնակիչ՝ 31-ամյա Անդրանիկ Հ-ն և Ֆելիքս Ա-ի ուղևորներ՝ Երևանի բնակիչներ, 51-ամյա Կարինե Ա-ն, 58-ամյա Սուսաննա Ա-ն, 73-ամյա Գյուլիզար Ա-ն, 63-ամյա Ռուզաննա Գ-ն։
Մանրամասները՝ սկզբնաղբյուրում։
