Հանրապետության հրապարակի ՝ Արտաքին գործերի նախարարության նախկին շենքի դիմացի հատվածում այսուհետ թույլատրվելու է տուրիստական ծառայություններ մատուցող ավտոբուսների և միկրոավտոբուսների կայանումը, այլ տրանսպորտային միջոցների վարորդներին արգելվելու է մեքենան կայանել հիշյալ հատվածում։ Այս մասին հաղորդում է ՀՀ ոստիկանությունը:

Ավելի վաղ հայտնել էինք, որ տուրիստական միկրոավտոբուսների վարորդները օրեր առաջ բողոքի ակցիա էին իրականացրել քաղաքապետարանի դիմաց՝ պահանջելով որպեսզի թույլ տան Հանրապետության հրապարակի հարակից հատվածում շարունակեն կայանել իրենց ավտոմեքենաները: