Կորոնավիրուսի հետ կապված սպասում ենք լավ նորությունների. վարչապետ
Ծաղկաձորի «Գոլդեն փելես» հյուրանոցում մարտի 1-ից մեկուսացված քաղաքացիները մարտի 13-ին հետազոտության կենթարկվեն:«Ֆեյսբուք»-ի ուղիղ եթերում այս մասին հայտնեց ՀՀ վարչապետ Նիկոլ Փաշինյանը:
«Այսօր կհետազոտվեն դեռեւս մարտի 1-ին Ծաղկաձորի «Գոլդեն Փելեսում» մեկուսացված մեր հայրենակիցները եւ բավականինմեծ հավանականություն կա, որ նրանցմոտ ախտորոշումը կլինի բացասական եւ մենք նրանց համբերատարության համար շնորհակալություն հայտնելով կուղեկցենք իրենց տները: Մեծ հավանականություն կա, որ հենց այդպես էլ տեղի կունենա»,- ասաց Փաշինյանը:
Նշենք, որ ՀՀ վարչապետ Նիկոլ Փաշինյանն այսօր՝ մարտի 13-ին, կորոնավիրուսի հետ կապված ընթացիկ իրավիճակը գնահատելու համար խորհրդակցություն է հրավիրել:
