Ոստիկաններն անընդհատ շրջելու են Էջմիածնում․ Դիանա Գասպարյան
«Ես արգելել եմ քաղաքացիներին օգտվել քաղաքապետարանի մուտքում գտնվող հեռախոսից, որով քաղաքացիները կապվում են տարբեր բաժինների հետ։ Քաղաքապետարանում ևս ախտահանիչ միջոցառումներ են կազմակերպվում»,- այս մասին քիչ առաջ ֆեյսբուքի ուղիղ եթերում ասաց Էջմիածնի քաղաքապետ Դիանա Գասպարյանը՝ ընդգծելով, որ այդ ընթացքում կպահպանվեն բոլոր սանիտարահիգենիկ նորմերը և սովորականի պես ընդունելություն կլինի։
Քաղաքապետն ասաց, որ անընդհատ կապի մեջ է Առողջապահության և ԿԳՄՍ Նախարարի և ոստիկանության հետ։
«Ոստիկանները անընդհատ շրջելու են, որպեսզի ինքնամեկուսացման ենթակա անձիք պահպանեն այդ ռեժիմը և չշփվեն որևէ մեկի հետ։ Հորդորում եմ լինել սթափ, ադեկվատ։Վստահեցնում եմ, որ համացանցում գույները խտացված են»,-ասաց նա։
