Դատարանը Սամվել Մայրապետյանին կալանավորելու որոշում կայացրեց. ՀԺ
Երեւանի ընդհանուր իրավասության դատարանը դատավոր Արտուշ Գաբրիելյանի նախագահությամբ քիչ առաջ գործարար Սամվել Մայրապետյանին կալանավորելու որոշում կայացրեց։ Այս մասին գրում է ՀԺ-ն:
Հիշեցնենք, որ Մայրապետյանի նկատմամբ հայտարարվել էր հետախուզում, և միջնորդություն էր ներկայացվել դատարան` նրան կալանավորելու համար։ ՀՔԾ-ն ներկայացրել էր պատճառը, ըստ որի Մայրապետյանին բուժման նպատակով թույլատրվել էր մեկնել արտերկիր, սակայն վարույթն իրականացնող մարմնի կանչով վերջինս չի ներկայացել, և անձնական երշխավարություն ստանձնած անձինք չեն կարողացել ապահովել նրա ներկայանալը ՀՔԾ:
