Կոտայքի մարզում բախվել են Mercedes-ն ու Renault-ը. կա վիրավոր

Ճանապարհային ոստիկանության 2-րդ սպայական գումարտակի 3-րդ վաշտի ավագ հետաքննիչ Ավետիք Ավետիսյանի կողմից նյութեր են նախապատրաստվում փետրվարի 28-ին Կոտայքի մարզում տեղի ունեցած ավտովթարի փաստով: Ժամը 18:10-ի սահմաններում, Եղվարդ քաղաքի Նատի թաղամասում գտնվող գազալցակայանի դիմաց բախվել են Զորավանն գյուղի բնակիչ, 26-ամյա Անդրանիկ Հ.-ի վարած Mercedes մակնիշի 35 TX 538 համարանիշի և Արագածոտնի մարզի բնակիչ, 28-ամյա Վաչագան Գ.-ի վարած Renault մակնիշի 36 AG 064 համարանիշի ավտոմեքենաները: 

Ինչպես հայտում է ֆոտոլրագրող Գագիկ Շամշյանը, վթարի հետևանքով Renault-ի ուղևոր, Եղվարդ քաղաքի բնակիչ, 49-ամյա Ա. Զ.-ն, մարմնական վնասվածքներով տեղափոխվել է «Արմենիա» բժշկական կենտրոն: Օպերատիվորեն դեպքի վայր են ժամանել Ճանապարհային ոստիկանության 2-րդ սպայական գումարտակի 3-րդ վաշտի 1-ին դասակի ծառայողները՝ վաշտի հրամանատար Արթուր Պետրոսյանի, դասակի հրամանատար Տիգրան Քոթանջյանի գլխավորությամբ: