Էրդողանը Պուտինին առաջարկել է Թուրքիային «դեմ-դիմաց» թողնել սիրիական իշխանությունների հետ
Թուրքիայի նախագահ Ռեջեփ Թայիբ Էրդողանը Ռուսաստանի նախագահ Վլադիմիր Պուտինին առաջարկել է Թուրքիային սիրիական իշխանության հետ «դեմ-դիմաց» թողնել: Այս մասին տեղեկացնում է «ՌԻԱ Նովոստի»-ն:
Էրդողանը նշել է, որ իրենք Սիրիա են մտել ոչ թե նախագահ Բաշար Ասադի, այլ սիրիական ժողովրդի հրավերով: «Եվ քանի դեռ ժողովուրդը մեզ չի հրավիրի հեռանալու, մենք այնտեղից չենք հեռանա: Ես Պուտինին ասացի՝ մեզ թողեք իրար դեմ-դիմաց ռեժիմով, մենք ինքներս կանենք այն, ինչ անհրաժեշտ է»,- ասել է Էրդողանը։
