Այդ կինը նույն անհեթեթ քաշքշուկի զոհն է դառնալու․ Զարեհ Սինանյան

Այսօր կառավարության նիստից հետո Սփյուռքի գործերի գլխավոր հանձնակատար Զարեհ Սինանյանը լրագրողների դիտարմանը, թե վարչապետը հանձնարարական էր տվել զբաղվել հայրենադարձ եղած քաղաքացու հարցով, ով նամակ էր հղել վարչապետին, հիմա ի՞նչ փուլում է գտնվում այդ գործը, Սինանյանը նշեց. «Գործընթացի արատավոր բնույթը ախտորոշում ենք, և դրա հիման վրա լուծումներ ենք առաջարկում և համապարփակ նոր ծրագիր ենք ներկայացնելու։ Ասեմ, որ կինը այժմ Հայաստանում է քաղաքացիության թղթերը ստանալու համար և ինքը նույն անհեթեթ քաշքշուկի զոհն է դառնալու, որովհետև իր ծնողները ծնվել են Բուլղարիայում, ինքը ծնվել է ԱՄՆ-ում, իր ազգանունը նույնը չէ հիմա, որն իր ծննդականում է։ Եվ այդ պատճառով նա պետք է վազվզի»։