Ֆրանսիայում գրանցվել է կորոնավիրուսից առաջին մահը․ կա վարակի գրանցման 16 դեպք
Փարիզի Պիտ-Սալպտրիերի հիվանդանոցում կորոնավիրուսից մահացել է Ֆրանսիայի առաջին քաղաքացին: Այս մասին հայտնում է BFMTV–ն՝ հղում անելով Առողջապահության գլխավոր տնօրենի Ժերոմ Սալոմոնին:
Կորոնավիրուսի վարակից մահացածը 60-ամյա տղամարդ է։ Նրա վիճակը գնահատվում էր ծայրահեղ ծանր։
Ներկայումս ֆրանսիական պետությունում գրանցվել է կորոնավիրուսով վարակվելու 16 դեպք, վերջին երեքը հայտնաբերվել են փետրվարի 25-ին։
Ավելի վաղ հայտնի էր դարձել Ֆրանսիայում ՉԺՀ- ի՝ 80-ամյա քաղաքացու մահը, որը Եվրոպայում COVID-19- ից մահացության առաջին դեպքն էր։
