Երևանում շմոլ գազից երեք երեխա է թունավորվել
Երեկ Սուրբ Աստվածամայր բժշկական կենտրոնում հոսպիտալացվել են 4 և 3 տարեկան եղբայր ու քույր։ Փոքրիկները բուժհաստատություն են տեղափոխվել Նորագավիթ թաղամասի իրենց տնից։ Այս մասին գրում է armeniasputnik.am-ը:
Նրանց 2 տարեկան եղբայրն էլ հոսպիտալացվել է Մուրացան բժշկական կենտրոնում։
Ըստ թաղամասում շրջանառվող լուրերի՝ երեխաները թունավորվել են շմոլ գազից։
Նրանք դեռևս բժիշկների հսկողության ներքո են։ Իրավապահները պարզում են կատարվածի մանրամասները։
