Կորոնավիրուսը հասավ Ավստրիա և Խորվաթիա
«ՏԱՍՍ» գործակալությունը հայտնում է, որ կորոնավիրուսով վարակման 2 հաստատված դեպք Է գրանցվել Ավստրիայի արևմուտքի Տիրոլ դաշնային երկրամասում: Դա դարձել Է Ավստրիայի տարածքում նոր կորոնավիրուսով վարակման առաջին դեպքը:
Ըստ աղբյուրի՝ 2 վարակվածներն իրենք են դիմել բուժհաստատություն բարձր ջերմությամբ: Նրանց վիճակը գնահատվում է կայուն: Վարակվածներից մեկը ժամանել Է Իտալիայի Լոմբարդիա հյուսիսային տարածաշրջանից, որտեղ նույնպես վարակման դեպքեր են գրանցվել։
Երկում կորոնավիրուսով վարակման առաջին դեպքի մասին հաստատել է նաև Խորվաթիայի վարչապետ Անդրեյ Պլենկովիչը։ Վարակվածն այս պահին հոսպիտալացված է։ Նա 19-21 տարեկան Է, փետրվարին այցելել Է Միլան:
«ՏԱՍՍ» գործակալությունը նաև հայտնում է, որ Խորվաթիայի իշխանությունը պլանավորում է կարանտինի ենթարկել այն բոլոր անձանց, որոնք անմիջական շփման մեջ են եղել այդ մարդու հետ: 9 քաղաքացի ևս անալիզ է հանձնել։
