Դիլիջանի հրաձգարանի մոտ հրդեհ է բռնկվել
Փետրվարի 21-ին, ժամը 18:28-ին Ճգնաժամային կառավարման ազգային կենտրոն ահազանգ է ստացվել, որ Տավուշի մարզի Դիլիջան քաղաքի հրաձգարանի մոտակայքում այրվում է խոտածածկ տարածք:
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:
Պարզվել է, որ հրդեհը բռնկվել է «Շլորկուտ» կոչվող հանդամասում:
Հրդեհը մեկուսացվել է ժամը 19:03-ին, մարվել՝ 19:12-ին:
Այրվել է մոտ 5000 քմ խոտածածկույթ:
Հրդեհաշիջման աշխատանքներին մասնակցել են «Դիլիջան ազգային պարկ» ՊՈԱԿ-ից 2 աշխատակից:
