Արարատի մարզում վիճաբանել են, հետո հնչել են կրակոցներ
Երեկ՝ փետրվարի 18-ին, հերթական կրակոցներն են տեղի ունեցել Արարատի մարզում։ Այս մասին գրում է SHAMSHYAN.com-ը:
Ըստ լրատվամիջոցի Սայաթ-Նովա գյուղում մի քանի օր առաջ տեղի է ունեցել դանակահարություն, և երեկ, Երևան քաղաքի Մալաթիա-Սեբաստիա վարչական շրջանի մի խումբ բնակիչներ ժամանել են գյուղ և Րաֆֆու փողոցում անհարգալից վերաբերմունք ցուցաբերել հասարակության նկատմամբ, որի ընթացքում էլ հնչել են կրակոցներ։
Կատարվածի մասին գյուղացիներն ահազանգել են ոստիկանության Մասիսի բաժին, սակայն ոստիկանները ժամանել են բավականին ուշ։
Ըստ գյուղացիների՝ վիճաբանության մասնակիցների թիվը բավականին մեծ է եղել:
