Վանում 4,1 և 3,7 բալ ուժգնությամբ 2 երկրաշարժ է գրանցվել
Վանի նահանգի Տուշպա շրջանում 2 րոպե ընդմիջումով իրարահաջորդ երկրաշարժեր են գրանցվել, որոնք Ռիխտերի սանդղակով գնահատվել են 4,1 և 3,7 բալ: Այդ մասին հայտնում է ermenihaber.am-ը։
Ցնցումները, որոնք զգացվել նաև հարևան նահանգներում, բնակչության շրջանում խուճապի պատճառ են դարձել:
Թուրքիայի աղետների և արտակարգ իրավիճակների կառավարման վարչության (AFAD) տեղեկացմամբ` ստորգետնյա ցնցումները գրանցվել են փետրվարի 17-ի գիշերը տեղական ժամանակով 23:16-ին և 23:18-ին:
Երկրաշարժերի էպիկենտրոնը գտնվել է 7.77 կմ խորության վրա։ Ցնցումները գրանցվել են նաև հարևան նահանգներում:
