Գերմանիայի մայրաքաղաք Բեռլինում հրաձգություն է տեղի ունեցել, որի արդյունքում մեկ մարդ զոհվել է, ևս չորսը վիրավորվել են: Այս մասին հաղորդում է Local-ը՝ փետրվարի 15-ին: 

Ըստ ոստիկանության, դեպքը տեղի է ունեցել Բեռլինի Կրուզբերգ շրջանում՝ Տեմպոդրոմ համերգասրահի և սպորտդահլիճի մոտակայքում, որտեղ ընթանում էր թուրքական Güldür Güldür շոուն: Միջոցառման մասնակիցները տարհանվել են դեպքի վայրից: 

Մահացածը 42 տարեկան տղամարդ էր: Վիրավորներից մի քանիսը գտնվում են ծանր վիճակում: Ոստիկանությունը հայտնում է, որ կրակոցները արձակվել են մի քանի մարդու կողմից: