Շանհայում կորոնավիրուսից ապաքինվածները որոշել են արյուն հանձնել
Փետրվարի 14-ին 28 մարդ է դուրս գրվել Չինաստանի Շանհայ քաղաքի հիվանդանոցներից կորոնավիրուսից ապաքինվելուց հետո, նրանցից վեցը ցանկություն են հայտնել կամավոր արյուն հանձնել մյուս հիվանդներին: Այդ մասին հայտնել Է «Սինհուա» գործակալությունը:
Ավելի վաղ հայտնի Է դարձել, որ չինացի բժիշկները մշակել են COVID-19 կորոնավիրուսի հարուցած թոքաբորբի բուժման արդյունավետ եղանակ: Հիվանդներին սկսել են փոխներարկել այդ հիվանդությունից ապաքինված դոնորների արյան պլազմա: Այդ մեթոդը թույլ Է տվել փրկել օրհասական վիճակում գտնվող արդեն տասնյակից ավելի հիվանդների. նրանց վիճակի բարելավում Է տեղի ունեցել բուժընթացից արդեն 12 – 24 ժամ անց:
Ապաքինվողների արյան մեջ հայտնաբերել են կորոնավիրուսի դեմ պայքարում արդյունավետ՝ մեծ քանակությամբ հակամարմիններ:
