Մոլդովական փողոցում այրվում է BMW մակնիշի ավտոմեքենա
Փետրվարի 13-ին՝ ժամը 13:27-ին, Ճգնաժամային կառավարման ազգային կենտրոն ահազանգ է ստացվել, որ Երևանի Մոլդովական փողոցի թիվ 56 շենքի մոտակայքում այրվում է BMW մակնիշի ավտոմեքենա:
Դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից երկու մարտական հաշվարկ:
Հրդեհը մեկուսացվել է ժամը 13:37-ին, մարվել՝ 13:54-ին:
Այրվել է BMW մակնիշի ավտոմեքենայի բեռնախցիկի հատվածը՝ մասամբ:
