Գիշերային թռիչքները Հայաստանին նեղացնելու համար չէ, որ անում են․ Ռևազյան

Ազգային ժողովում ավիացիոն համաձայնագրի վավերացման հարցով Քաղավիացիայի կոմիտեի ղեկավարի ներկայությունից օգտվելով՝ պատգամավորները նրան հարցեր ուղղեցին առհասարակ ավիացիայի վերաբերյալ։ ԲՀԿ-ից Միքայել Մելքումյանը բողոքեց, որ դեպի Երևան իրականացվող թռիչքները միշտ գիշերն են լինում։

Կոմիտեի ղեկավար Տաթևիկ Ռևազյանը բացատրեց, որ դրանք հիմնականում տրանզիտ չվերթներ են, և ավիաընկերությունները հաշվարկում են այնպես, որ ուղևորները օդանավակայանում երկար չմնան։ Ըստ Ռևազյանի՝ Հայաստանի աշխարհագրությամբ պայմանավորված՝ այդ թռիչքները հնարավոր են լինում գիշերը։

«Եթե Դուք մտածում եք, որ իրենք Հայաստանին նեղացնելու համար են դա անում, դրա հետ որևէ կապ չունի։ Իրականում ավիաընկերության համար ավելի թանկ է գործել գիշերը»,- ասաց Ռևազյանը։