Սոցիալական աջակցության մասին օրենքում փոփոխություններ կատարելու մասին նախագիծն այսօր ԱԺ-ում առաջին ընթերցմամբ ընդունվեց 103 կողմ, 1 ձեռնպահ եւ ոչ մի դեմ ձայնով:

Ըստ օրինագծի՝ առաջարկվում է օրենքում ավելացնել «խնամակալության նպաստ» հասկացությունը: Սա վերաբերում է այն մարդկանց, որոնց խնամակալության տակ են շուրջօրյա խնամքի կարիք ունեցող անձիք:

Նախագծում սահմանված է, որ խնամակալության նպաստ ստանալու իրավունք ունեն տասնչորս տարին չլրացած անչափահասների նկատմամբ խնամակալ ճանաչվածները, որոնք հաշվառված են խնամակալության նպաստի համակարգում: Խոսքը ծնողական խնամքից զուրկ մնացած և հոգեկան խնդիրներ ունեցող 433 երեխայի մասին է: