Երևանում գովազդը կտեղադրվի հատուկ վահանակների վրա, ոչ թե ծառերի կամ շենքերի պատերին կփակցվեն
Ազգային ժողովի իմքայլական պատգամավոր Արթուր Հովհաննիսյանը նախագիծ է ներկայացրել, որով նախատեսվում է արգելել շենքերի պատերին, ծառերի վրա, հենասյուներին և այլ վայրերում թղթային և այլ տիպի գովազդներ փակցնելը։ Նա ասաց, որ այս պահին դա անում են միայն Երևանի համար։
Պատգամավորը բացատրեց, որ այլ տեղերում դեռ չկան գովազդային վահանակներ, որոնց վրա հնարավոր կլինի փակցնել այդ գովազդը, իսկ Երևանում այդ հնարավորությունը կա։ Պատգամավորն ասաց, որ ինքը Երևանի քաղաքապետարանի հետ ունի պայմանավորվածություն, որ այդ վահանակներից մեծ քանակով տեղադրվելու է նաև առաջիկայում։
Հովհաննիսյանի խոսքերով՝ իրենք նաև բանակցություններ են վարում Հայաստանի մյուս բնակավայրերում նման վահանակների առկայությունն ապահովելու համար; Դրանից հետո, ըստ պատգամավորի, հնարավոր կլինի օրենքը տարածել նաև այդ բնակավայրերի վրա։
